TUSAFIRI KWA AMANI 2015
FRIDAY, JULY 17, 2015
MADIWANI 10 WA CCM NA UDP WAHAMIA CHADEMA
Mmoja wa madiwani hao Ruta Mahagija kwa niaba ya madiwani wenzake kutoka CCM alisema wamechoshwa na utawala wa CCM hivyo wameona njia pekee ya kulikomboa taifa ni kujiunga na chadema ili kwa pamoja tuiondoe CCM madarakani.
Madiwani hao wameapa kuisambaratisha CCM kwenye halimashauri yao katika uchaguzi wa mwaka huu mwezi Oktoba.
VIJANA 32 WA CCM wajiunga na CHADEMA
Vijana 32 waliokuwa wanachama wa CCM wakiwawakilisha wenzao 100 walipowasili katika Ofisi ya CHADEMA Mkoa wa Kinondoni kujiunga na ‘people’s power’ , kulia ni Diwani wa Kata ya Makumbusho, Ulole Ulole akiambatana nao kuwapeleka ofisini ambako walipokelewa na kupewa kadi za uanachama wa CHADEMA rasmi na viongozi wa chama mkoa.
Viongozi wa Chama waliowapokea vijana hao ni majira ya saa 6 mchana leo ni Mwenyekiti wa Mkoa Waziri Muhunzi, Ester Semanya (Makamu Mwenyekiti), Suzan Lyimo (Mbunge Viti Maalum CHADEMA), Rose Mushi (Diwani Viti Maalum Kinondoni) pamoja na wanachama wengine.
Vijana hao ambao wengi wao ni wanafunzi wakiongozwa na Michael Litanga wamesema kuwa wameamua kukimbia CCM kutokana na ubovu wa chama hicho na kwamba kadri siku zinavyokwenda kinajiweka mbali katika kuwatumikia wananchi huku kikionesha kushindwa kuendelea kuongoza akisema kuwa CHADEMA ndiyo chama mbadala wakati nchi inapoelekea kwenye uchaguzi mkuu.
Mbunge wa Viti Maalum Lyimo aliwaambia vijana hao kuwa wamejiunga na chama katika kipindi cha kuelekea uchaguzi mkuu ambapo vijana wa CHADEMA wamepewa majukumu makubwa ya kuwahamasisha vijana wengine kujiunga na wimbi la mabadiliko kwa ajili ya kwenda kuiondoa CCM madarakani.
Aidha, Lyimo aliwasisitiza kuisoma Katiba CHADEMA ili kuelewa misingi ya chama hiki kwa ajili ya kuwatumikia wananchi na kuwashawishi wengine.
Viongozi wa Chama waliowapokea vijana hao ni majira ya saa 6 mchana leo ni Mwenyekiti wa Mkoa Waziri Muhunzi, Ester Semanya (Makamu Mwenyekiti), Suzan Lyimo (Mbunge Viti Maalum CHADEMA), Rose Mushi (Diwani Viti Maalum Kinondoni) pamoja na wanachama wengine.
Vijana hao ambao wengi wao ni wanafunzi wakiongozwa na Michael Litanga wamesema kuwa wameamua kukimbia CCM kutokana na ubovu wa chama hicho na kwamba kadri siku zinavyokwenda kinajiweka mbali katika kuwatumikia wananchi huku kikionesha kushindwa kuendelea kuongoza akisema kuwa CHADEMA ndiyo chama mbadala wakati nchi inapoelekea kwenye uchaguzi mkuu.
Mbunge wa Viti Maalum Lyimo aliwaambia vijana hao kuwa wamejiunga na chama katika kipindi cha kuelekea uchaguzi mkuu ambapo vijana wa CHADEMA wamepewa majukumu makubwa ya kuwahamasisha vijana wengine kujiunga na wimbi la mabadiliko kwa ajili ya kwenda kuiondoa CCM madarakani.
Aidha, Lyimo aliwasisitiza kuisoma Katiba CHADEMA ili kuelewa misingi ya chama hiki kwa ajili ya kuwatumikia wananchi na kuwashawishi wengine.
UCHUKUAJI NA UREJESHAJI WA FOMU KUWANIA UTEUZI WA UDIWANI NA UBUNGE NA UTARATIBU WA KURA YA MAONI
TAARIFA KWA VYOMBO VYA HABARI
UCHUKUAJI NA UREJESHAJI WA FOMU KUWANIA UTEUZI WA UDIWANI NA UBUNGE NA UTARATIBU WA KURA YA MAONI
Kuanzia jana Julai 15 hadi 19 mwaka huu, Chama cha Demokrasia na Maendeleo (CHADEMA) kimefungulia rasmi milango kwa watu wenye nia na sifa kujitokeza kuchukua na kurejesha fomu za kuwania ubunge kwenye majimbo yenye wabunge wa chama hicho.
Aidha, baada ya Tume ya Taifa ya Uchaguzi (NEC) kutangaza majimbo mapya 26 ya uchaguzi, CHADEMA pia kimelazimika kupangua ratiba ya awali na sasa kimeruhusu wanachama wote wenye sifa kuchukua na kurejesha fomu za kuwania uteuzi wa ndani ya chama katika nafasi za udiwani na ubunge katika majimbo yote ya uchaguzi nchi nzima.
Kupitia Waraka wa Katibu Mkuu Namba 5 wa mwaka 2015, uliosainiwa na Katibu Mkuu Dk. Willibroad Slaa, chama kimesema kuwa wananchi wote wenye nia na sifa za kuchukua fomu za ubunge kwenye majimbo yote yakiwemo mapya wanaruhusiwa kufanya hivyo kuanzia tarehe 15/07/2015 hadi saa 10 jioni tarehe 19/07/2015.
Kwa mujibu wa Katibu Mkuu Dk. Slaa, kwa nafasi za udiwani , zoezi la kuchukua na kurejesha fomu katika kata zote nchi nzima limeongezwa muda kuanzia Julai 15, 2015 hadi 29/07/2015 saa 10 jioni.
Itakumbukwa kuwa hapo awali CHADEMA ilitoa ratiba yake ya uteuzi wa ndani ambapo ilionesha kuwa uchukuaji na urejeshaji wa fomu za kuwania udiwani na ubunge katika kata na majimbo yenye madiwani au wabunge wa chama hicho ulitakiwa kusubiri hadi halmashauri zitakapokoma au bunge litakapokuwa limevunjwa.
Katibu Mkuu pia ameelekeza kuwa baada ya NEC kutangaza majimbo mapya 26 kwa upande wa Tanganyika, fomu za kuwania uteuzi katika majimbo hayo zitaendelea kutolewa katika ngazi ya taifa, mkoa, wilaya na jimbo kwa utaratibu ule ule ambapo makatibu wa majimbo mama (yale ya zamani) wataendelea kutoa fomu kwa ajili ya majimbo mapya.
“Wagombea ambao walishachukua na kurejesha fomu wana haki ya kuamua jimbo lipi wanaenda kugombea na hawalazimiki kuchukua fomu upya…watatakiwa kuujulisha uongozi wa chama ngazi ya jimbo kwa barua rasmi kuonesha kuwa fomu yake iwe ni ya jimbo lipi kati ya jimbo mama ama jipya na nakala ya barua hiyo inakiliwe ngazi ya wilaya, mkoa, kanda na taifa,” ameelekeza Katibu Mkuu Dk. Slaa.
Kuhusu zoezi la kura ya maoni
Kupitia waraka huo ambao umetumwa kwa Waratibu wa Kanda, Wenyeviti na Makatibu wa majimbo, Katibu Mkuu Dk. Slaa ameagiza kuwa majimbo yote yanatakiwa kuanza zoezi la kura ya maoni tarehe 20-25 Julai mwaka huu kwa kuzingatia Mwongozo wa Taratibu za Kura ya Maoni ambao umeshatumwa nchi nzima.
“Kwa majimbo ya yaliyogawanywa kila jimbo litafanya mchakato wake wa kura ya maoni kwa kusimamiwa na mamlaka zilizotajwa katika mwongozo husika. Hii maana yake ni kwamba zoezi la kura ya maoni litafanyika kwa siku 6 mfululizo. Kila kanda inapaswa kuweka ratiba yake ya ndani katika muda huo na kuhakikisha kuwa majimbo yote, ya zamani na mapya, katika kanda husika yakamilishe kura za maoni ndani ya tarehe hizo.
“Kamati Kuu iliazimia pia kuwa kura za maoni nafasi ya udiwani zitaanza kufanyika kuanzia tarehe 30 Julai hadi 5 Agosti, 2015. Hii maana yake ni kuwa zoezi la kura za maoni kwa nafasi ya udiwani litaanza baada ya kumalizika kwa zoezi la kura za maoni nafasi ya ubunge,” ameagiza Katibu Mkuu Dk. Slaa kupitia waraka huo.
Aidha Katibu Mkuu amewaagiza Waratibu wa Kanda za CHADEMA kusimamia utaratibu wa kuwatangazia wananchi katika majimbo yote kwa njia anuai ikiwemo vyombo vya habari, mitandao ya kijamii, matangazo kwenye mbao na nafasi mbalimbali za hadhara ili Watanzania wote wapate fursa ya taarifa hiyo muhimu.
Imetolewa leo Alhamis, Julai 16, 2015 na
Idara ya Habari na Mawasiliano
CHADEMA
THURSDAY, JULY 16, 2015
MAPOKEZI YA MBUNGE WA CHADEMA MBOZI MAGHARIBI MH DAVID SILINDE YAVUNJA REKODI
Mbunge wa Mbozi Magharibi Mheshimiwa David Silinde akiwahutubia wakazi wa Tunduma waliompokea.
Msafara wa Magari, Bajaji na Bodaboda uliompokea Mheshimiwa David Silinde.
Wakazi wa Tunduma wakimsikiliza Mheshimiwa David Silinde baada ya kupata mapokezi makubwa.
TAARIFA KWA VYOMBO VYA HABARI KUHUSU CUF NA UKAWA
TAARIFA KWA VYOMBO VYA HABARI
15 Julai 2015
CUF NA UKAWA
Waheshimiwa waandishi wa Habari
Chama cha wananchi CUF tukiwa sehemu ya UKAWA tunaendelea na vikao vya kuafikiana na maamuzi kwa hoja mbalimbali zinazohusu uimarishaji wa malengo ya uanzishwaji wa UKAWA.
Katika kikao cha UKAWA kilichofanyika tarehe 14 Julai 2015 Collesium Hotel Dar es Salaam, CUF hatukuweza kushiriki kikao hicho.
Sababu za kutoshiriki kwetu katika kikao hicho, kumetokana na sababu za kikatiba za ndani ya CUF kwa kuwa katika maamuzi yote yanayohusu masuala mazito ya kinchi kama haya,tuna desturi ya kukaa na kujadiliana kama chama kwanza katika kuafikiana na jambo lolote lile muhimu kwa maslahi ya taifa kama vyama vingine vinavyofanya.
Baada ya kikao cha UKAWA cha 11/07/2015 CUF tume kuwa na vikao vinavyohusisha viongozi wakuu wa chama yaani Mwenyekiti,Naibu Katibu Mkuu na wakurugenzi na jana tumeendelea na kikao.
Na ndio maana katika kikao cha UKAWA Mwenyekiti Prof.Lipumba na sisi viongozi wa kuu hatukuweza kuhudhuria.
Kutohudhuria kwa kikao cha tarehe 14 Julai 2015, hakuna mahusiano yoyote na uvumi kwamba CUF imesusia au kujitoa katika UKAWA kama baadhi ya mitandao ya kijamii au vyombo vya habari vilivyoripoti pamoja na maneno ya chini kwa chini yanayoendelea kwa wananchi, bali ni kutokana na baadhi ya Wajumbe wa Baraza Kuu la Uongozi la taifa kutoka mikoani na wanachama wetu maeneo mengi ya nchi kuutaka uongozi wa Chama kusitisha kwa muda kuhitimisha maamuzi ya kumpata mgombea urais wa Jamhuri ya Muungano wa Tanzania kupeperusha bendera ya UKAWA mpaka kuwepo kwa ridhaa ya Chombo hicho cha kikatiba.
Aidha Chama kinatambua kwamba hivi sasa tumebakiwa na muda mfupi kabla ya kuingia katika mchakato rasmi wa kuchukua fomu za serikali kuomba kuteuliwa kuwania uongozi, hivyo Chama kimeitisha kikao cha Baraza Kuu la Uongozi la taifa hapo tarehe 25 Julai 2015 ilikupata Baraka ya chombo cha maamuzi kama ambavyo wenzetu washirika wa UKAWA wamekwishapitia hatua hizi katika vyama vyao.
Watanzania watambue kwamba Nchi inapitia katika kipindi kigumu sana, ongezeko la majimbo 26 ya Uchaguzi yaliyotangazwa na Tume ya Uchaguzi,kwa kipindi cha chini ya siku 45 kabla ya kuanza kampeni ni changamoto ambazo UKAWA tunapaswa kuyafanyia kazi ili kuona namna gani tunajipanga kwa mazingira haya.
CUF tuanaamini kwamba kwa maridhiano ya pamoja ndani ya vyama vyetu na ndani ya UKAWA tutajenga UKAWA imara na hatimaye kuwa na mgombea mmoja wa Urais,Wabungena madiwani wa UKAWA na hivyo kuiangusha CCM kwenye uchaguzi wa Oktoba 25.
HAKI SAWA KWA WOTE
Magdalena Sakaya
Naibu Katibu Mkuu, Bara.
CUF: Hatujajiengua UKAWA
Aidha, CUF imekanusha uvumi kuwa baadhi ya wananchama na wenyeviti wa CUF kununuliwa na Chama cha Mapinduzi ( CCM), kwa lengo la kuuvuruga umoja wao na kuisambalatisha UKAWA.
Hayo yamebainishwa leo Jijini Dar es Salaam na Naibu Katibu Mkuu Bara, Magdalena Sakaya alipokuwa akizungumza na waandishi wa habari ambamo kimechukua fursa hiyo kuwaonya waandishi kuandika habari za kweli zinazohusu UKAWA kuliko kuandika habari zinazoweza kupotosha umma.
Sakaya ameendelea kusisitiza kuwa, CUF haijajiengua na UKAWA, ambamo amebainisha sababu za kutoshiriki katika kikao cha jana Julai 14,2015 kilichofanyika katika ukumbi wa Collesium Dar, kumetokana na sababu za kikatiba za ndani ya Chama ambapo jana walikaa kikao hivyo kupelekea kushindwa kutuma mwakilishi katika kikao hicho.
“Baada ya kikao cha UKAWA cha Julai 11 mwaka huu CUF tumekuwa na vikao vinavyohusu viongozi wakuu wa Chama akiwemo Mwenye kiti, manaibu katibu wakuu na wakurugenzi na jana ndo tulikuwa na kikao na ndio maana hatukuweza kutoka” amesema Sakaya.
“Kutohudhura katika kikao cha jana hakuna mahusiano yoyote na uvumi na maneno ya chini chini kwa baadhi ya mitandao ya kijamii yanayopotosha umma”
Kuhusu uvumi unaodai kuwa UKAWA umeshampitisha mgombea kwa kupiga kura na kwamba baadhi ya magazeti kumuandika mgombea amesema halina ukweli, taarifa hizo pia zilipelekea baadhi ya wananchama wa CUF kukusanyika makao makuu ya CUF ili kupata ufafanuzi zaidi juu ya uvumi huo.
Nae Mkurugenzi mipango na uchaguzi Shaweji Mketo amesema, kuhusu maneno yanadai kuwa UKAWA ni pasua kichwa na kwamba unakaribia kuvunjika hayana ukweli isipokuwa wanafuata katiba ya kila chama ndipo wamtoe mwali atakaye peperusha bendele ya UKAWA.
Amesema, “niwatoe wasiwasi wananchi na wapenzi wa UKAWA muondoe hofu tupo imara na tunatarajia baada ya siku tano kumtangaza mgombea wetu, na kikubwa kinachojadiliwa sasa ni ugawaji wa majimbo kutokana na kuongezeka kwa majimbo hivyo ni lazma tuyajadili kwa kina na kujua yupi atachukuwa wapi”
Kuhusu kikao cha Baraza kuu la uongozi wa kitaifa Mketo amesema, “tunatarajia kufanya kikao cha mwisho Julai 25 mwaka huu ili kupata Baraka ya chombo cha maamuzi kama ambavyo wezetu wa washiriki wa UKAWA wamekwisha pitia hatua hizo katika vyama vyao”
Mwanahalisi Online
WEDNESDAY, JULY 15, 2015
MGOMBEA WA UKAWA KUTANGAZWA NDANI YA SIKU SABA
Ni baada ya kikao (summit) kukamilisha maridhiano ambapo kilizungumzia jinsi gani ya kuachina majimbo yalibaki na swala la mgombe urais
Akiongea na waandishi wa habari mwenyekiti wa NCCR Mageuzi JAMES MBATIA aliwaeleza wanahabari kuwa taratibu zote zimekamilika ndani ya vyama vinavyounda UKAWA na kilichobaki ni jinsi gani ya kumtangaza mgombea urais ndani ya UKAWA kwa kushirikiana na vyama vyote vinavyounda umoja huo, ndani ya siku saba .
Huku akiwasisitiza watanzania kuwa wavumilivu na kuwataka wajitokeze kujiandikisha katika daftari la kudumula wapiga kura linalotegemewa kuanza punde katika mkoa wa Dar es Salaam huku wakitega maskio yao na kumpokea mgombea urais ambaye atatambulishwa kuipeperusha bendera kupitia UKAWA.
Akijibu swali la mwandishi wa habari aliyeuliza swali
Je, ni kweli kama ilivyotapaka katika mitandao ya jamii juu ya Lowassa Kujiunga na chama kimojawapo ndani vyama vinavyounga UKAWA?
Akijibu swali hilo kwa kulitolea mifano ya mitandao ya jamii inayotumika na watu fulani kwa maswai yao binafsi na sio kuelimisha jamii, Mh Jamse Mbatia ilizungumzia moja ya account ya twitter iliyofunguliwa kwa jina mtandao mkubwa duniani BBC ikieleza kuwa Lowassa tayari ameshajiunga katika chama cha ACT na kusisitiza habari hizo sio za kweli huku akiwashauri watanzania kupima uzito wa habri na chombo kinachokiwasilisha na kuwataka wananchu wafatilie habari za vyama kupitia mitandao ya vyama.
MWANDISHI WA HABARI ATANGAZA NIA YA KUGOMBEA UBUNGE JIMBO JIPYA LA USHETU KWA TIKETI YA CHADEMA
MWANDISHI wa habari na mtangazaji wa Radio Free Africa William Bundala maarufu kwa jina la “kijukuu cha bibi k” ameamua kuingia kwenye kinyang’anyiro cha Ubunge katika Jimbo la jipya la Ushetu katika halmashauri ya wilaya ya Ushetu mkoani Shinyaga,kupitia tiketi ya Chama cha Demokrasia na maendeleo CHADEMA.
Bundala ametangaza kuingia kwenye mchakato wa kugombea kuteuliwa na Chama ili aweze kupeperusha bendara katika uchaguzi mkuu ujao katika mkutano wake wa kutangaza nia uliofanyika katika Kijiji cha Bogomba “B” kata ya Ubagwe wilayani Kahama.
Mtia nia huyo alisema endapo Chama chake kitampitisha na hatimaye kushinda Ubunge katika Jimbo hilo atahakikisha anasukuma kasi ya maendeleo katika jimbo hilo jipya lenye Rasimali nyingi kupitia nafasi yake na wajibu kama anavyotakiwa Mbunge Kufanya.
Alisema kuwa dhamira yake imemsuta kwenda kuwatumikia wananchi wa wilaya hiyo ambayo yeye ni mzawa na kuwa atahakikisha anapigania
maendeleo ya wananchi kwa kasi huku akiondoa uonevu kwa waandishi wa habari na watumishi wengine serikalini na katika halmashauri za
wilaya.
Sambamba na hayo amesema kuwa sababu nyingine iliyomsukuma ni kuona wagombea wengine wanaolitaka jimbo hilo hawako kwa ajili ya ukombozi wa jimbo hilo bali wako kwa ajili ya maslahi binafsi kutokana na asilimia kubwa ya wagombea hao si wakazi wa eneo hilo na kwamba hawafahamu matatizo ya wana ushetu kama anavyoyafahamu yeye.
Aliongeza kuwa akifaniiwa kuukwaa Ubunge pia atasimamia kuhakikisha Jimbo hilo jipya linapata Chuo cha ufundi kwa ajili ya vijana wanaomaliza darasa la saba na kidato cha nne kupata elimu jambo lilatalopunguza wimbi la ukosefu wa ajira kwa vijana.
Bundala alisema kipaumbele kingine atakachoshughulikia ni pamoja na kusimamia na kutoa elimu ya Sheria kupitia wanasheria ambao watazunguka katika kata kutoa elimu hiyo hususan katika maswala ya umiliki wa Ardhi,Mirathi,haki za wakulima na wafugaji pamoja na haki za raia na mali zao kwa ujumla.
Akizungumzia kuhusu suala la michezo katika jimbo hili Bundala amesema kuwa kupitia Kijukuu Cup atahakikisha anashirikiana na halmashauri na wadau wa michezo kuhakikisha halmashauri ya ushetu inapata timu ya kucheza ligi kuu Tanzania Bara.
Awali Mwenyekiti wa Umoja wa Vijana CHADEMA (BAVICHA) Halmashauri ya Ushetu Emmanuel Magema aliwataka vijana wote kuungana ili kumuunga mkono kijana mwenzao aliyejitokeza na kuonesha nia ya kutaka kuongoza akiwa Mbunge wa jimbo hilo.
Wilaya ya Kahama kwa sasa ina halmashauri za wilaya tatu za
Msalala,halmashauri ya mji wa Kahama na halmashauri mpya ya Ushetu na kufanya majimbo ya uchaguzi kuwa matatu.
Katika kinyang’anyiro cha Ubunge katika jimbo jipya la Ushetu kuna watu zaidi ya watano wanaotajwa kulimendea jimbo huku wagombea wa CHADEMA wakionekana kuungwa mkono na makundi mengi hususan vijana.
TUESDAY, JULY 14, 2015
Usahihi: mazungumzo yanaendelea vizuri
Tungependa kusahihisha propaganda nyepesi zinazoendelea kuenezwa ili kuusaidia umma usiendelee kupotoshwa kwa mambo yasiyokuwa ya msingi huku kukiwa na mambo makubwa yanayohitaji 'attention' ya Watanzania kuamua mustakabali sahihi wa nchi yao kwa kuchagua MABADILIKO kupitia uchaguzi wa kihistoria hapo Oktoba 25.
1. Zipo taarifa zinaendelea kuenezwa kuhusu makada wa CCM wakiongozwa na Edward Lowassa kuwa wana mpango wa kuhamia CHADEMA. Hadi sasa tunaziona habari hizo kupitia mitandaoni na kwenye vyenye mainstream media. Bila shaka wenye taarifa sahihi za mipango hiyo ni hao hao wanaozieneza. Nasi hatuwajibiki kabisa kuwasaidia kutoa uhakika wa uenezi huo wanaofanya kwa maslahi wanayoyajua.
2. Viongozi wakuu wa chama wakiongozwa na Mwenyekiti wa Taifa Freeman Mbowe na Katibu Mkuu Dk. Willibroad Slaa wamekuwa wakiendelea na majukumu yao mbalimbali kwa kadri ya nafasi zao na ratiba za chama hususan wakati kama huu kuelekea defining moments za uchaguzi mkuu ambapo mara kadhaa wamekuwa katika vikao na viongozi wakuu wenzao katika UKAWA ili kutafuta mwelekeo sahihi kwenda Oktoba 25.
Wanaoeneza habari kwamba Mkiti Mbowe na KM Dk. Slaa wamekuwa na mtafaruku eti kwa sababu ya 'ujio dhanifu' wa Lowassa basi watu hao watakuwa hawajui utaratibu wa utendaji kazi wa Chama kwa ujumla na hususan Viongozi hao wawili ambao siku zote hufanya kazi kwa maelewano ya hali ya juu sana kiasi cha kuendelea kuwa sehemu ya uimara wa CHADEMA.
3. Propaganda hizo zinazojengwa katika misingi ya siasa nyepesi zimekwenda mbali hadi kumsemea uongo mmoja wa waasisi wa CHADEMA Mzee Mtei eti amekodiwa ndege kuja kutuliza mtafaruku.
3. Tunajua lengo la upotoshwaji huo ni kutaka kuwachaganya Watanzania wanaojiandaa kuiondoa CCM madarakani mwaka huu. Waenezaji uongo wanataka kuwaaminisha Watanzania wanaowaka moto wa mabadiliko kuwa CHADEMA nayo imegawanyika kama ilivyo kwa CCM ambayo imesambaratika juzi Dodoma kiasi cha wajumbe kumzomea Mwenyekiti wao wa chama.
4. CHADEMA iko imara kuliko wakati mwingine wowote ule, hasa katika kipindi hiki ambapo inaendelea kujiandaa kuwatumikia Watanzania na kupanga mikakati mbalimbali, kwa kushirikiana na washirika wenza kwenye UKAWA, kuikabili CCM iliyomeguka vipande vipande na kuiondoa madarakani.
NB; Kuhusu #UKAWA Julai 14
Kama ambavyo Mwenyekiti Mwenza wa UKAWA Prof. Ibrahim Haruna Lipumba alisema Jumamosi usiku alipozungumza na waandishi wa habari kuwa leo umoja huo utafikia na kutangaza kwa umma makubaliano juu ya mambo makubwa mawili;
1. Mgombea mmoja wa urais
2. Majimbo yaliyokuwa yamesalia katika mgawanyo kwa maana ya kusimamisha Mgombea mmoja
Aidha, Prof. Lipumba alisema kuwa UKAWA wameshafanikiwa kufikia mwafaka katika majimbo kwa asilimia 97 na sehemu iliyobakia ni ile ambayo itahitaji mashauriano au (bilateral) mwafaka kati ya vyama viwili katika majimbo fulani fulani ambapo vyama hivyo vilikuwa bado vinapitia vigezo vilivyokubalika.
Tangu asubuhi ya leo vikao vimekuwa vikiendelea. Majadiliano yamekwenda vizuri kabisa. Baadae Summit (kikao cha Viongozi wakuu) itakutana kwa ajili ya wayfoward na kuzungumza makubaliano kwa Vyombo vya Habari kwa ajili ya Watanzania.
Vyombo vya Habari vitataarifiwa muda na mahali ambapo Summit ya UKAWA itakutana nao kwa ajili ya taarifa hiyo inayosubiriwa na umma wa Watanzania.
Stay tuned
Makene
Majimbo Mapya 26 ya Uchaguzi
TUME ya Taifa ya Uchaguzi (NEC), imeweka hadharani majimbo mapya 26 ya uchaguzi baada ya kugawanywa kutokana na ukubwa.
Katika mgawanyo huo, Jijini Dar es Salaam ni majimbo mawili pekee ndio yaliyoguswa. Majimbo hayo ni Jimbo la Mbagala lililomegwa kutoka Jimbo la Kigamboni na Jimbo la Kibamba lililokuwa sehemu ya Jimbo la Ubungo.
Akizungumza na waandishi wa habari Jijini Dar es Salaam leo mchana, Mwenyekiti wa NEC, Jaji Damian Lubuva ametaja majimbo mengine kuwa ni Jimbo la Handeni katika Halmashauri Mji wa Handeni (Tanga), Nanyamba katika Halmashauri ya Mji Nanyamba (Mtwara), Makambako Halmashauri ya Mji Makambako (Njombe), Bitiama Halmashauri ya Wilaya Butiama (Mara), Tarime mjini Halmashauri ya Mji Tarime (Mara).
Lubuva alitaja majimbo mengine kuwa ni Tunduma lililopo katika Halmashauri ya Mji Tunduma (Mbeya), Jimbo la Nsimbo katika Halmashauri ya Wilaya ya Nsimbo (Katavi), Kavuu Halmashauri ya Wilaya Mpimbwe (Katavi), Geita mjini Halmashauri ya mjini Geita (Geita), Mafinga mjini Halmashauri ya Mji Mafinga (Njombe).
Majimbo mengine ni Kahama mjini Halmashauri ya Mji Kahama (Shinyanga), Ushetu kwenye Halmashauri ya Wilaya Ushetu (Shinyanga), Nzega mjini lililopo kwenye Halmashauri ya Mji wa Nzega (Tabora), Kondoa mjini Halmashauri ya Mji Kondoa (Dodoma).
Mengine ni Newala mjini Halmashauri ya mji Newela (Mtwara), Mbulu mjini Halmashauri ya Mji Mbulu (Arusha), Bunda mji Halmashauri ya mji Bunda (Mara), Ndanda Halmashauri ya Wilaya ya Masasi (Mtwara), Vwawa Halmashauri ya Wilaya Mbozi (Mbeya), Manonga Halmashauri ya Wilaya Igunga (Tabora).
Majimbo mengine ni Mlimba Halmashauri Kilombero (Morogoro), Madaba Halmashauri ya Wilaya Madaba (Ruvuma), Ulyankulu Halmashauri ya Wilaya Kaliua (Tabora) na Mbinga mjini Halmashauri ya Mji Mbinga (Ruvuma).
Pia, ameyataja majimbo 10 ambayo yaliyobadilishwa majina majina kuwa, Jimbo la Rugwe Mashariki (Mbeya) na kuwa Jimbo la Busekelo, Jimbo la Rugwe Magharibi (Mbeya) na kuwa Jimbo la Rugwe, Jimbo la Urambo Mashariki (Tabora) litaotwa Jimbo la Urambo.
Mengine ni Jimbo la Urambo Magharibi (Tabora) na kuwa Jimbo la Kaliua, Jimbo la Njombe Mgharibi (Njombe) na kuwa Jimbo la Wanging’ombe, Jimbo la Njombe Kusini (Njombe) kwamba litaitwa Jimbo la Lupembe.
Jimbo la Bariadi (Simiyu) litaitwa Jimbo la Itilima, Jimbo la Bariadi Magharibi (Simiyu) linakuwa Jimbo la Bariadi, Jimbo la Kondoa Kusini (Dodoma) kuwa Jimbo la Chemba.
Lubuva amesema, ugawaji wa majimbo hayo ulizingatia vigezo muhimu vitatu ambavyo ni wastani wa idadi ya watu, mipaka ya kiutawala na uwezo wa ukumbi wa Bunge.
Amesema, kabla ya kuyagawa majimbo hayo na kuanzisha majimbo mapya tume ilitembelea majimbo yote yaliyokidhi vigezo nakustahili kugawanywa ambapo tume ilikutana na wadau.
Katika mgawanyo huo, Jijini Dar es Salaam ni majimbo mawili pekee ndio yaliyoguswa. Majimbo hayo ni Jimbo la Mbagala lililomegwa kutoka Jimbo la Kigamboni na Jimbo la Kibamba lililokuwa sehemu ya Jimbo la Ubungo.
Akizungumza na waandishi wa habari Jijini Dar es Salaam leo mchana, Mwenyekiti wa NEC, Jaji Damian Lubuva ametaja majimbo mengine kuwa ni Jimbo la Handeni katika Halmashauri Mji wa Handeni (Tanga), Nanyamba katika Halmashauri ya Mji Nanyamba (Mtwara), Makambako Halmashauri ya Mji Makambako (Njombe), Bitiama Halmashauri ya Wilaya Butiama (Mara), Tarime mjini Halmashauri ya Mji Tarime (Mara).
Lubuva alitaja majimbo mengine kuwa ni Tunduma lililopo katika Halmashauri ya Mji Tunduma (Mbeya), Jimbo la Nsimbo katika Halmashauri ya Wilaya ya Nsimbo (Katavi), Kavuu Halmashauri ya Wilaya Mpimbwe (Katavi), Geita mjini Halmashauri ya mjini Geita (Geita), Mafinga mjini Halmashauri ya Mji Mafinga (Njombe).
Majimbo mengine ni Kahama mjini Halmashauri ya Mji Kahama (Shinyanga), Ushetu kwenye Halmashauri ya Wilaya Ushetu (Shinyanga), Nzega mjini lililopo kwenye Halmashauri ya Mji wa Nzega (Tabora), Kondoa mjini Halmashauri ya Mji Kondoa (Dodoma).
Mengine ni Newala mjini Halmashauri ya mji Newela (Mtwara), Mbulu mjini Halmashauri ya Mji Mbulu (Arusha), Bunda mji Halmashauri ya mji Bunda (Mara), Ndanda Halmashauri ya Wilaya ya Masasi (Mtwara), Vwawa Halmashauri ya Wilaya Mbozi (Mbeya), Manonga Halmashauri ya Wilaya Igunga (Tabora).
Majimbo mengine ni Mlimba Halmashauri Kilombero (Morogoro), Madaba Halmashauri ya Wilaya Madaba (Ruvuma), Ulyankulu Halmashauri ya Wilaya Kaliua (Tabora) na Mbinga mjini Halmashauri ya Mji Mbinga (Ruvuma).
Pia, ameyataja majimbo 10 ambayo yaliyobadilishwa majina majina kuwa, Jimbo la Rugwe Mashariki (Mbeya) na kuwa Jimbo la Busekelo, Jimbo la Rugwe Magharibi (Mbeya) na kuwa Jimbo la Rugwe, Jimbo la Urambo Mashariki (Tabora) litaotwa Jimbo la Urambo.
Mengine ni Jimbo la Urambo Magharibi (Tabora) na kuwa Jimbo la Kaliua, Jimbo la Njombe Mgharibi (Njombe) na kuwa Jimbo la Wanging’ombe, Jimbo la Njombe Kusini (Njombe) kwamba litaitwa Jimbo la Lupembe.
Jimbo la Bariadi (Simiyu) litaitwa Jimbo la Itilima, Jimbo la Bariadi Magharibi (Simiyu) linakuwa Jimbo la Bariadi, Jimbo la Kondoa Kusini (Dodoma) kuwa Jimbo la Chemba.
Lubuva amesema, ugawaji wa majimbo hayo ulizingatia vigezo muhimu vitatu ambavyo ni wastani wa idadi ya watu, mipaka ya kiutawala na uwezo wa ukumbi wa Bunge.
Amesema, kabla ya kuyagawa majimbo hayo na kuanzisha majimbo mapya tume ilitembelea majimbo yote yaliyokidhi vigezo nakustahili kugawanywa ambapo tume ilikutana na wadau.
Subscribe to: Posts (Atom)
Comments
Post a Comment